Matura shtetërore/Pas 20 minutave u publikua teza e provimit të Matematikës

Vetëm 20 minuta pasi kishte filluar provimi i Matematikës për Maturën Shtetërore, teza është publikuar në rrjetet sociale.

Sipas postimit, tezat janë publikuar 20 minuta pas nisjes së provimit, dhe në rrjetet sociale janë postuar dy variantet, A dhe B.

Ky është provimi i tretë i maturës që zhvillohet këtë vit, pas atij të gjuhës së huaj dhe atij të gjuhës shqipe e letërsisë.

Nga ana e saj Ministria e Arsimit vazhdon të shprehet se kjo gjë nuk cenon sigurinë e provimit, por harron faktin që ka deklaruar se këtë herë klasat në të gjithë vendin po monitorohen me kamera. Me sa duket ky plan i Evis Kushit ka dështuar me sukses.