Mbërrin në Shëngjin anija e dytë italiane me 8 emigrantë

Përditësuar më 8 Nëntor 2024, 09:46

Ka mbërritur rreth orës 7:30 të mëngjesit të sotëm anija Libra me 8 emigrantë nga Italia e nisur dy ditë më parë.

Emigrantët janë Egjipti dhe Bangladeshi të cilët janë kapur në ujërat italiane.

Kjo është hera e dytë që anija patrulluese e marinës italiane “Libra” ka marrë rrugën drejt Shqipërisë, për të zbarkuar këtë herë në portin e Shëngjinit, 8 emigrantë të kapur disa ditë më parë në jug të Lampedusës.

Anija e marinës mbërriti mëngjesin e sotëm në brigjet shqiptare dhe emigrantët pas ekzaminimeve në Shëngjin do të dërgohen në kampin e Gjadrit.

Pas vendimit të Gjykatës së Romës për ndalimin e dërgimit të emigrantëve në Shqipëri dhe kthimin e tyre në Itali, Këshilli i Ministrave në Itali ka miratuar një dekret ligjor për këtë çështje për të shpëtuar paktin me Ramën.

Masa synon të kapërcejë ngërçin e krijuar nga vendimi i gjyqtarëve për të mos vleftësuar mbajtjen e disa azilkërkuesve në qendrën e pritjes së Gjadrit për shkak se vijnë nga vende të pasigurta.

Qeveria e udhëhequr nga Meloni po përdor këtë anije për kapur në det të hapur emigrantë – burra të rritur dhe të shëndetshëm që vijnë nga vende të konsideruara të sigurta – dhe për t’i dërguar fillimisht në qendrën e Shëngjinit dhe më pas në atë të Gjadrit, sipas marrëveshjes së nënshkruar me Shqipërinë.

Gjykatat italiane kanë rrëzuar paktin Rama-Meloni, pasi asnjë prej të dyve nuk ka të drejtë të burgosë askënd, aq më tepër refugjatë fatkeqë që kapen në mes të detit dhe kërkojnë azil. Edhe pse kampet u ndërtuar në Shqipëri për të shmangur gjykatat italiane, sërish plani nuk funksionon dhe është rrëzuar nga një vendim i gjykatës së Romës, që e ndalon izolimin e emigrantëve.

Vendimi i dhënë u dha jep lirinë 12 fatkeqëve të parë që provuan burgun në Shqipëri dhe i detyron autoritetet italiane t’i rikthejnë ata menjëherë në Itali, të gjithë, edhe sikur kërkesat e tyre për azil të jenë refuzuar nga komisionet përkatëse.

Vendimi i gjykatës italiane ka përmbysur kështu një nisëm plot pikëpyetje të dyshes Rama-Meloni, e cila u denoncua nga shumë organizata humanitare si një shkelje e hapur e të drejtave të njeriut.