18-vjeçari flet me babain dhe i dërgon para në Shqipëri

Babai i një prej 200 fëmijëve të zhdukur nga hotelet e Home Office në Britani, ka deklaruar se djali i tij është zhdukur në mënyrë që të mos mund të kthehet në Shqipëri.

18-vjeçari flet çdo ditë me babain e tij që e ka në Shqipërinë Veriperëndimoredhe i dërgon paratë e fituara nga puna në një kantier ndërtimi në Londër. Megjithatë, Orgito Luka, i cili ishte 17 vjeç kur u zhduk në maj të vitit të kaluar, ende konsiderohet i zhdukur.

Sipas “Dailymail” Ministri i Emigracionit Robert Jenrick u tha deputetëve javën e kaluar se nga 4600 azilkërkues fëmijë të pashoqëruar që mbërritën në Mbretërinë e Bashkuar që nga viti 2021, 440 ishin zhdukur dhe vetëm gjysma ishin kthyer.Nga ata ende të zhdukur, 186 pretenduan se ishin ose 16 ose 17 vjeç dhe 176 janë nga Shqipëria.

Ministria e Shëndetësisë ka zbuluar emrat e dhjetëra adoleshentëve shqiptarë që u zhdukën nga hotelet e miratuara nga Home Office vitin e kaluar, shumica e të cilëve shumë shpejt do të mbushnin 18 vjeç.

Disa nga emrat nuk figurojnë në regjistrat e të dhënave shqiptare, pasi ata mund të kenë dhënë detaje të rreme ose janë bërë gabime gjatë regjistrimit të tyre. Të tjerët duket se kanë llogari aktive në mediat sociale që tregojnë rroba “firmato”, restorante të shtrenjta dhe makina luksoze.