Mbyllja e vitit akademik do të zgjatet vetëm dy javë

Ministrja e Arsimit dhe Sportit, Besa Shahini në një komunikim për mediat ka bërë të ditur se si do të vijojë mësimi për studentët e universiteteve në këtë periudhë të shpërthimit të pandemisë.

Shahini ka shpjeguar se Ministria ka kërkuar nga Universitetet publike zbatimin e katër urdhrave që lidhet me diplomimin e studentëve të fiteve të fundit, provimet e studentëve të viteve të para dhe të dyta, mësimin online dhe mbylljen e vitit akademik.

“Zv.ministri ka mbajtur një komunikim të rregullt me përfaqësuesit në universitete dhe për të koordinuar punën. Ata kanë sjellë edhe propozimet për mbylljen e viti akademik.

Ministria e Arsimit kërkon nga universitetet publike marrjen e disa masave për mbylljen e vitit:

1-Kërkon që të prioritizohet puna me studentet që diplomohen në të gjitha ciklet. Duhet të mundësohet kthimi në auditore për 3-4 javë në qershor për ata që janë për diplomë dhe do të mbahen provimet në korrik dhe javën e parë të gushtit.  

2- Me 25 gusht të 2020 do të kthehen deri në fund të shtatorit studentët e viteve të para dhe të dyta. Grupimi i tillë është i domosdoshëm që të minimizohet numri i studentëve në auditore. Kështu studentët do të kenë mundësi të planifikojnë të mos jenë në auditore deri në fund të gushtit.

Pyetjet për rimbursim etj, i drejtoni tek stafi i konvikti dhe kjo tek Ministria e Arsimit.

3- Mësimi online do të vazhdojnë deri në përfundim të orëve të planifikuara.

4-Viti akademik, i cili do të zgjatet deri diku tek dy javë. Fillojmë vitin e ri në nëntor të 2020”,tha Shahini.