Meta: Sulmet në veriun e Kosovës të papranueshme, të flasë gjuha e dialogut jo e dhunës

Kryetari i Partisë së Lirisë, Ilir Meta ka reaguar pas akteve të dhunës në veriun e Kosovës nga pakicat serbe.

Meta ka bërë thirrje që situata të normalizohet dhe ti hapet rruga e dialogut në këtë situatë të vështirë.

Kjo situatë është shumë delikate dhe ka rrezik që ta destabilizojë të gjithë rajonin e Ballkanit.

Postimi i Metës:

Dënoj me ashpërsinë më të madhe aktet e papranueshme të dhunës dhe sulmet e armatosura ndaj Policisë së Kosovës dhe personelit ndërkombëtar në Veri të Republikës së Kosovës dhe u bëj thirrje institucioneve të drejtësisë të venë sa më parë para drejtësisë autorët e tyre.

Apeloj fuqimisht domosdoshmërinë e shmangies së çdo provokimi dhe në veçanti të përshkallëzimit të çdo forme tensioni që minon sigurinë në Kosovë dhe që rrezikon paqen dhe stabilitetin në rajonin tonë.