Miinistri Balla njofton për shpétimin e dy turistëve të huaj

Ministri i Brendshëm, Taulant Balla ka reaguar pas përfundimit me sukses të operacionit për shpëtimin e dy turistëve gjermanë që kishin humbur në “Syrin e Ciklopit”.

Balla shkruan se ky ishte një operacion i vështirë për shkak të terrenit malor dhe mungesës së orientimit në errësirë.

Ministri bën me dije se operacioni u realizua nga shërbimet e Komisariatit të Policisë Nr. 1 dhe grupi alpin i Forcës Kombëtare të Sigurisë, në bashkëpunim me Federatën Shqiptare të Alpinizmit.

Reagim i ministrit të Brendshëm, Taulant Balla:

🇦🇱 Miku i huaj në besën e shqiptarit🙏 Ka përfunduar me sukses shpëtimi i dy turistëve gjermanë kishin humbur në vendin e quajtur “Syri i Ciklopit”. Ky ishte një operacion i vështirë për shkak të terrenit të veshtirë malor dhe mungesës së orientimit në errësirë. Operacioni i kërkim-shpëtimit u realizua nga shërbimet e Komisariatit të Policisë Nr. 1 dhe grupi alpin i Forcës Kombëtare të Sigurisë, në bashkëpunim me Federatën Shqiptare të Alpinizmit🧗🏼‍♀️