Monika Kryemadhi dhe ish-deputetët e LSI i bashkohen qëndresës së aktorëve te Teatri Kombëtar
Kryetarja e LSI Monika Kryemadhi ka shkuar sërish mbrëmjen e sotme te Teatri Kombëtar, ku qëndrojnë aktorë e aktivistë të cilët janë kundër shembjes së godinës aktuale.
Dy ditë më parë qëndresës te Teatri iu bashkua kreu i PD Lulzim Basha, ndërsa dje deri sot paradite “turnin” e kishte Monika Kryemadhi. Ndërkohë, mbrëmjen e sotme Kryemadhi dhe simpatizantë e ish-deputetë të LSI kanë shkuar përsëri te Teatri.
Nuk dihet nëse kryetarja e LSI ka shkuar me dëshirën e saj për të dytën ditë radhazi te Teatri apo ka pasur një mungesë rakordimi mes aleatëve. Sakaq, mbrëmjen e sotme në disa media kanë qarkulluar sërish lajme se fadromat e IKMT do të shkonin të shembnin godinën e Teatrit.
Keni një histori? Denonco anonimisht, identiteti juaj mbrohet.
Denonco
