Mos keni harruar pjesëzën mohuese ” nuk” zonja Kurti?!

Zonja Kurti, në profilin e kryeministrit pata mundësinë të shihja videon, ku ju shfaqeshit me zë dhe figurë duke portretizuar udhëheqësin e duhur për Shqipërinë.

Zonja Kurti, mjaftojnë vetëm dy fjali që nuk janë opinione, por fakte për t’ju bërë pyetjen; “Mos keni harruar pjesëzën mohuese ” nuk”?!”.

Gjysmë milioni shqiptarë të larguar për tetë vite dhe një kryeqytet i shkatërruar dhe i pabanueshëm nga kullat.

Ju ftoj të rishikoni tekstin dhe të shtoni pjesëzën mohuese ” nuk” .

Në emër të publikut shqiptar që ju ka duartrokitur aq shumë dhe në dobi të shqiptarëve, po ndërhyj unë në tekst dhe po e shtoj pjesëzën që mungon.

Teksti i saktë dhe në përputhje me të vërtetën tragjike të kombit shqiptar do të ishte;

Kur lumenjtë dalin nga shtrati,
kur sëmundja kërcënon jetën tonë,
kur përballemi me kohët më të vështira,
Shqipërisë NUK i duhet Edi Rama.

Ai ndalet gjithmonë.
Ai NUK lufton për ne dhe lufton KUNDËR Shqipërisë, si askush tjetër.

Post Scriptum- Zonja Kurti Shqipëria mund të ketë nevojë për gjithçka dhe gjithkënd, veç Edi Ramës dhe Erion Veliajt.