Moti/Del nga shtrati lumi Ishëm

Sasia e madhe e reshjeve dhe intensiteti i lartë i tyre përgjatë 24 orëve të fundit, ka sjellë sërish përmbytje në zonën e Murqinës dhe Mallkuçit në Fushë-Krujë.

Mësohet se gjatë natës lumi Ishëm ka dalë nga shtrati duke përmbytur dhjeëtra hektarë tokë bujqësore.

Ndërkohë, raportohet se në këto dy fshatra disa banesa janë të rrethuara nga uji.

Gjithashtu kanalet kulluese janë mbushur me ujë, duke bllokuar disa rrugë në fshatra.

Sakaq edhe niveli i ujit në lumin Gjole, ka arritur në kuotat maksimale.

Mbetet për t’u parë se si mund të vijojë situata, nëse reshjet vijojnë të bien me këtë intensitet