tre djem dhe një vajzë

Një lajm i gëzueshëm ka ardhur këtë të diel nga Spitali Universitar Obstetrik-Gjinekologjik “Koço Gliozheni” në Tiranë, ku një nënë ka sjellë në jetë katërnjakët e saj – tre djem dhe një vajzë, duke sjellë emocion dhe gëzim të madh për familjen dhe stafin mjekësor.

Çifti Rozeta dhe Geraldo janë bërë sot prindër të katër fëmijëve të mrekullueshëm, të cilëve u kanë vendosur emrat plot domethënie: Roal, Alrda, Roar dhe Auro.

Lindja, e kryer në mënyrë natyrale, është cilësuar nga mjekët si një ngjarje e rrallë dhe e suksesshme, ndërsa nëna dhe katër të vegjlit gëzojnë shëndet të plotë.

Ky moment i mrekullueshëm ka sjellë atmosferë feste në maternitet, ku mjekët dhe infermierët kanë uruar familjen për ardhjen në jetë të katër engjëjve.

“Urime familjes për këtë bekim të jashtëzakonshëm! Urojmë që Roal, Alrda, Roar dhe Auro të rriten me shëndet, dashuri dhe lumturi,” – thuhet në mesazhin e urimit të personelit mjekësor.

🩵 Një ngjarje e bukur që na kujton se jeta gjithmonë di të sjellë mrekulli.