Mustafa ‘presion’ Kurtit: Anulo vendimin për shkarkimin e ministrit Veliu dhe hiq taksën brenda javës, ose koalicioni prishet

Mësohet se shkak i shkarkimit është bërë një deklaratë e këtij të fundit, i cili ka thënë se numri i të prekurve nga koronavirusi në Kosovë po rritet nga ora në orë.

Ndërkohë, në lidhje me këtë ka reaguar edhe Isa Mustafa, kreu i LDK-së. Ai e ka quajtur të papranueshëm vendimin e Kurtit për të shkarkuar ministrin Veliu, pasi sipas tij, kjo është shklelje e marrëveshjes së koalicionit.

Mustafa thotë se shkarkimi i një ministri mund të bëhet vetëm në konsultim me kryetarin me të cilin është bërë koalicioni. Kreu i LDK-së i bën thirrje Kurtit që të anuloj vendimin për shkarkimin e Agim Veliut dhe brenda javës të heqë taksën 100% ndaj mallrave serbe.

“Veprimet e njëanshme të Kryeministrit janë të dëmshme dhe të papranueshme dhe qojnë në prishje të koalicionit”, përfundon Mustafa.