Ndërron jetë tragjikisht 51-vjeçari shqiptar në Greqi, makina që ai drejtonte doli nga rruga dhe përfundoi në një gropë të thellë

Një aksident tragjik raportohet të ketë ndodhur në Achaia të Greqisë, ku për pasojë ka ndërruar jetë një 51-vjeçar nga Shqipëria.

Makina që po drejonte shqiptari doli nga rruga duke përfunduar në një gropë mbi 4 metra të thellë.

Dyshohet se automjeti ka qenë me shpejtësi të lartë në momentin e aksidentit, ndërsa rruga ka qenë e rrëshqitshme për shkak të shiut.

Në operacionin për nxjerrjen e trupit është përfshirë edhe Brigada e Zjarrfikësve, pasi shoferi ishte bllokuar në makinë për shkak të deformimeve që pësoi mjeti nga përplasja.

Ndërkaq, ende nuk bëhet me dije identiteti.