Ndryshimet në Kodin Rrugor, shpërthen Braçe: Largoni nga rruga vrasësit

Deputeti socialist Erion Braçe ka reaguar pas hyrjes në fuqi të ndryshimeve të reja në Kodin Rrugor, duke theksuar se këto masa synojnë rritjen e sigurisë për të gjithë përdoruesit e rrugës.

Në qëndrimin e tij publik, Braçe nënvizon se ndryshimet ligjore janë të orientuara drejt mbrojtjes së jetës së qytetarëve, si për drejtuesit e mjeteve, ashtu edhe për këmbësorët dhe pasagjerët. Ai thekson se një ndër objektivat kryesore është largimi nga qarkullimi i drejtuesve problematikë, të cilët sipas tij kanë qenë shpesh të toleruar nga strukturat e rendit.

Deputeti i bën gjithashtu thirrje Policisë së Shtetit që të zbatojë me rigorozitet rregullat e reja, duke shmangur çdo abuzim gjatë ushtrimit të detyrës. Sipas tij, në të kaluarën ka pasur raste kur zbatimi i ligjit është deformuar për përfitime të paligjshme, duke cenuar drejtpërdrejt sigurinë rrugore.

Braçe thekson se fenomeni i drejtimit të automjeteve në gjendje të dehur apo nën ndikimin e lëndëve narkotike duhet të ndalet me masa të forta dhe të pakompromis. Ai mbështet ndalimin e përhershëm të drejtimit për personat që kapen dy herë në këtë gjendje, duke e cilësuar këtë si një hap të domosdoshëm për të parandaluar tragjeditë në rrugë.

Në reagimin e tij, ai ngre shqetësimin për rastet kur shkelësit kanë arritur të shmangin ndëshkimin përmes ryshfetit, duke sjellë pasoja të rënda deri në humbje jete. Sipas Braçes, tolerimi i këtyre shkeljeve ka kontribuar në aksidente të rënda, që shpesh kanë përfunduar në tragjedi.

Ai e mbyll reagimin duke theksuar se zbatimi i drejtë dhe i paanshëm i ligjit është çelësi për rikthimin e sigurisë në rrugë dhe për parandalimin e ngjarjeve të rënda.

Postimi i plotë:

RREGULLAT E REJA PER SHOFERET NE RRUGE-NE FUQI;

DUHET TI SHERBEJNE SIGURISE TE TE GJITHEVE!

JO PASURIMIT TE DISAVE, QOFSHIN DHE POLICE!

Qellimi ka qene;

1. Mbrojtja e cilitdo qe perdor rrugen per te levizur, drejtues mjeti privat, drejtues mjeti ne nje sherbim publik, pasagjeri;

2. Mbrojtja e gjithkujt pertej rrugeve-ne trotuar apo kudo, ku mjeti i dtejtuar nga nje i dehur apo i droguar perfundon;

3. Largimi nga rruga te VRASESVE-te gjithe ata qe te dehur e droguar, dakin ne rruge e VRASIN perdorues te rruges apo pertej saj!

NDALOHEN PERJETE KETA TE DALIN NE RRUGE NESE NDALOHEN DY HERE NE KETE GJENDJE;

DY HERE JANE SHUME SI KERCENIM!

DY HERE JANE BOLL PER TE VRARE!

Tani i takon POLICISE SE SHTETIT TE ZBATOJE RREGULLAT;

JO POLICE TE VECANTE NE TE, TE PERFITOJNE PARA GJATE ZBATIMIT TE RREGULLAVE!

Ka ndodhur shpesh qe rregullat deshtojne dhe ka vec nje shkak-perdorimi i rregullave si burim perfitimi te paligjshem!

Pasoja ka qene e qarte:

Siguria ne rruge eshte thyer nga te FALURIT PER PARA dhe ne rruge nuk kane ndodhur thjesht vrasje, por MASAKRA!