Në fund të marsit hapet tuneli i Murrizit tek Rruga e Arbrit

Kryeministri Edi Rama duke folur në rubrikën Sy më sy në Facebook, deklaroi se në fund të muajit mars do të hapet Tuneli i Murrizit tek Rruga e Arbrit.

“Tuneli i Murrizit tek Rruga e Arbrit do të hapet në fund të muajit mars. Te Rruga e Arbrit nuk kemi lënë gjë mangët, por të papritura si gjeologjia e tunelit të Murrizit. Jemi në kushtet po shkojmë drejt përfundimit pas një riarmatimi me një teknologji tjetër të të gjithë tunelit.

Besoj shumë se më në fund në mars do ta heqim këtë sy të keq nga shpina, sepse realisht ai tunel na ka marrë shpirtin. Por, bashkë me pranverën do të dalë edhe shpirti i keq nga tuneli dhe dibranët mund të venë e vijnë me rrugën e hapur”, tha kreu i qeverisë, Edi Rama.