Ish- kryeprokurori Arben Rakipi do të vendoset në krye të shkollës së magjistraturës duke zëvendësuar ish-drejtuesin Sokol Sadushi i cili është emëruar së fundmi Gjyqtar në Gjykatën e Lartë.
Këshilli Drejtues ka vendosur që Rakipi të jetë në krye të magjistraturës deri në përzgjedhjen e drejtuesit të ri.
Sadushi ka ushtruar detyrën e Drejtorit të Shkollës së Magjistraturës prej muajit nëntor të vitit 2014, detyrë që e ka vazhduar deri më datë 13 mars 2020, në mandatin e tij të dytë të dhënë nga Këshilli Drejtues i Shkollës së Magjistraturës.
Kujtojmë se gara për emrin e ri të drejtuesit të kësaj shkolle është hapur prej 1 prillit ndërsa afati aplikimit prej 30 ditësh është pezulluar deri në përfundim të pandemisë COVID-19.
