Nesër në shesh, për të protestuar kundër varfërisë dhe zhgënjimeve të politikës

Psikologu i njohur Leandër Prifti, i cili është dhe një prej organizatorëve të protestës së shqiptarëve të Diasporës.

Ai thotë se synimi i kësaj proteste është të bashkojë të gjithë shqiptarët në një flamur, për të protestuar kundër varfërisë dhe zhgënjimeve të politikës.

‘Ne me Gencin kemi qenë krahë për krahë me njëri-tjetrin në Britani. Kemi ardhur nga Britani enkas për protestën. Ne po përpiqemi që në një flamur të bashkojmë në një protestë të gjithë qytetarët, që duan të protestojnë kundër qeverisë. Qytetarët që janë skeptikë kanë të drejtë të jenë skeptikë, sepse në 28 vjet at kanë para vetëm zhgënjime nga të gjitha palët. Ne nuk jemi politikë, por protesta jonë është politike. Gjithçka që do të artikulojmë në atë protestë do të jetë politike. Ndryshe nga protestat e tjera, çdo qytetar q do të vijë në protestën tonë do të ketë mundësi të artikulojë problemet e tyre. në protestën tonë nuk do të shihni figura që janë konsumuar në këto 28 vjet’, u shpreh Prifti.