Një avokat për Matin, PD zyrtarizon kandidatin për 9 nëntorin

Partia Demokratike ka zyrtarizuar kandidatin e saj për zgjedhjet e pjesshme vendore në Bashkinë e Matit, që do të mbahen më 9 nëntor 2025.

Në garën për kryebashkiak, demokratët kanë përzgjedhur Eduart Brahilikën, me profesion avokat, i cili do të përfaqësojë zyrtarisht këtë forcë politike në zgjedhje.

Brahilika do të përballet me kandidatin e Partisë Socialiste, Altin Bojni, i cili është bërë publik më herët si përzgjedhje e mazhorancës për këtë bashki.

Zgjedhjet e pjesshme në Bashkinë e Matit zhvillohen pas lënies vakant të postit të kryebashkiakut, dhe pritet të jenë një tjetër test elektoral për dy partitë kryesore në vend, në një klimë politike ende të tensionuar.