Një ditë pas inspektimit në inceneratorin e Tiranës, deputetja e PD publikon videon: Kanë firmosur që 430 milion euro, të “digjen” në vend të plehrave!

Deputetja e PD, Ina Zhupa ka publikuar në rrjetet sociale, videon pas inspektimit të komisionit hetimor parlamentar në inceneratorin e Tiranës, duke theksuar se ky incenerator “nuk ekziston fare”.

“Ku kanë shkuar 430 milionë euro?”- ngre pyetjen  Zhupa.

“Çdo gjë që është thënë nga qeveria dhe bashkia këto 4 vite e gjysëm ka qënë vetëm propagandë dhe mashtrim. Me Ramën në krye nuk ka zhvillim”, thekson deputetja e PD.

POSTIMI I PLOTE

Qytetarët panë me zë dhe figurë sesi paratë e tyre nuk shkojnë për djegien e plehrave sepse Inceneratori i Tiranës nuk ekziston!

Ku kanë shkuar 35 milion euro që janë paguar nga taksat e qytetarëve?!

Incenerimi nuk kryhet, metodat e reja të menaxhimit të plehrave nuk duken askund!

Çdo gjë që është thënë nga qeveria dhe bashkia këto 4 vite e gjysëm ka qënë vetëm propagandë dhe mashtrim.

Kanë firmosur që 430 milion euro, para të taksave të qytetarëve më të varfër në Europë,  të “digjen” në vend të plehrave!