Nuk na e ka fajin z. Palmer

Përditësuar më 1 Korrik 2019, 22:37

PD është krijuar si partia e parë proamerikane e këtij vendi! Por shumica e demokratëve  dhe e popullit opozitar nuk e suportuan  qëndrimin e z.Palmer  ndaj opozitës dhe zgjedhjeve moniste. Kritizerë të ashpër pati edhe në rrjetet sociale ku spikatste mjeshtri Bujar Kapexhiu   me një karikaturë  të thjeshtë, qëndrimin dhe fjalën  e z.Palmer.

Qëndrime më shumë pro qeverisë dhe Ramës në këto vite kemi dëgjuar plot.   Por në fund, nuk na ka faj askush në perëndim, as Palmer, as Merkel, as BE, as OSBE, as Soreca, as Boshard e as zv/ambasadorja amerikane. Faji qëndron këtu tek ne, duke filluar nga shpia dhe familja  e çdo shqiptari. Nëse nuk pranojmë, hajdut vëllain, motrën apo  prindërit pse dreqin i duam dhe i promovojmë politikanët hajdutë?! Nëse nuk pranojmë mashtrimin, gënjeshtrën, për  fëmijët, vëllain , motrën  në shtëpinë tonë , pse  pas çdo mashtrimi dhe gënjeshtre të radhës,promovojmë llaxoret e gënjeshtarët  më të pacipë të politikës ku i dëgjojmë e shohim  me zë e figurë?! Ja kaq e thjeshtë është sikur ne  të nisemi nga parimet e familjes, rregullat brenda shtëpisë dhe ashtu si do të sillemi në familje , të sillemi dhe veprojmë me votë ndaj ; hajdutëve politikanë, gënjeshtarëve politikanë.

Ne  e duam të ardhmen e fëmijëve ashtu siç ne e mendojmë e rropatemi me plot sakrifica që të bëhen dikushi në jetë, të shkolluar, të edukuar, të mos vjedhin, të mos vrasin, të mos konsumojnë drogë, duke predikuar moral e rregulla strikte dhe në mënyrë të panegociueshme dhe të prerë.

Po kur politikanët  zihen si qenër zgjebarakë, jargaviten e shahen me libër shtëpie, si drogaxhinj të molepsur ?! Ne vazhdojmë të bëjmë tifo kush shau më bukur! Nuk na kanë bërë dhe as na bëjnë përshtypje akuzat ” Ti ke  vrarë katër njerëz, ti ke vjedhur floririn, ti ke përdhunuar, ti ke shkelur ligjin…. ti ke vjedhur vota. Ti haje paçe e nuk paguaje, ti ke punuar roje karburanti. Ne do të vjedhim me lezet, jo si demokratët. Ne  pra supërmoralistët e fëmijeve tanë  brenda mureve të shtëpisë , jashtë saj në shoqëri dhe jetën publike brohorasim dhe promovojmë ose vrasës , ose hajdutin e pareve tona ose hajdutin e votave. Pastaj bëjmë tifo dhe mbështesim sipërmarrjen e tyre për të groposur me duart tona të ardhmen  e fëmijëve siç bëmë për 30 vjet. Prandaj rraca e  politikës  sonë pa përjashtim ka kalëruar që nga Berisha, Nano, Meta e tani Rama. Ky i fundit  na ka cilësuar  ne shqiptarëve të thjeshtë si politikanë  të zgjuar por në fakt ai e ka kuptuar më mirë nga rraca e tij se edhe për pak kohë do bëjë gallatë  sa të njëjtin moral  dhe brenda  pragut të shtëpisë çdo njëri nga ne ti ketë ligje dhe rregull edhe  për drejtuesit   që kanë fatet tona në dorë duke filluar, nga nëpunësi i thjeshtë, polici, prokurori, gjykatësi, politikani. I trullosur pas marrëzisë së pushtetit plot 6 vite dhe i kapur gafil duke abuzuar me paret e shtëpise, duke bërë hile  dhe manovra bëri një palë votime  putineske dhe pa pikë turpi  na tregon edhe thëniet e supozuara të gjyshes se:”Po nuk e kuptove pse ke humbur, nuk e kupton dot pse tjetri ka fituar”. Ndaj ju lutem mos e kërkoni  fajin tek Palmer por tek vetja, brenda  pragut dhe jashtë pragut të shtepisë. Kryeministrit që vetë, votoi, vetë numëroi, vetë firmosi unë mund ti them  se edhe  gjyshja ime ndjesë pastë, thoshte një thenie që në këtë rast me duket e goditur: “Po vure b*thën guzhiniere , m*t do të gatuaj” .