Oliger Torba emërohet drejtues i Policisë së Tiranës

Oliger Torba është emëruar në krye të Policisë së Tiranës, në kuadër të ndryshimeve të fundit në strukturat drejtuese të Policisë së Shtetit.

Torba kishte marrë detyrën e zëvendësdrejtorit të Policisë së Tiranës në prill të këtij viti. Përpara kësaj detyre, ai kishte mbajtur postin e zëvendësdrejtorit të Policisë së Fierit.

Emërimi i tij si drejtues i Policisë së Tiranës vjen në një periudhë kur në radhët e strukturave të Policisë së Shtetit janë bërë disa lëvizje në nivelet drejtuese.

Ndryshimet nuk janë kufizuar vetëm në kryeqytet. Lëvizje në strukturat drejtuese të Policisë janë raportuar edhe në qarqet Berat, Korçë dhe Elbasan.