Opozita cakton Petro Gjikuria kandidat për kryebashkiak të Himarës

Përditësuar më 11 Korrik 2024, 12:52

Në zgjedhjet e pjesshme që do të mbahen në 4 gusht, Petro Gjikuria do të jetë kandidati i opozitës për Kryebashkiak të Himarës.

Biznesmeni shqiptaro-amerikan Petro Gjikuria do të garojë përballë Vangjel Tavos, kandidatit të propozuar nga Partia Socialiste.

Zgjedhjet bashkiake do të mbahen më 4 gusht ndërsa sipas projektvendimit të KQZ, kandidatët do të kenë në dispozicion, vetëm 1 javë kohë për të organizuar fushatën e tyre.

Përsëritja e zgjedhjet në Bashkinë e Himarën do të zhvillohen pasi kryetari i zgjedhur në 14 maj të 2023, Fredi Beleri, në një vendim politik u dënua me me 2 vite burg për korrupsion në zgjedhje.

Beleri nuk arriti të marrë zyrtarisht detyrën e Kryebashkiakut, pasi nuk u lejua të betohet para Këshillit Bashkiak, ndërsa ishte në gjykim në GJKKO.