Opozita në protestë, Sali Berisha zbulon datën

Kryetari i Partisë Demokratike, Sali Berisha, ka njoftuar nisjen e një vale të re protestash që do të startojnë të hënën e 17 nëntorit.

Ndryshe nga herët e tjera, këtë radhë protestat do të zhvillohen paralelisht me seancat e Kuvendit, me pjesëmarrjen e deputetëve demokratë dhe qytetarëve përpara godinës së Kryeministrisë.

Berisha paralajmëroi gjithashtu se pas kësaj do të organizohet edhe një protestë kombëtare.

“E hëna do të shënojë fillimin e një etape të re, parlamentin përpara Kryeministrisë së qyqarëve dhe parlamentarëve.

PD po nis një proces të ri, një analizë të plotë të situatës në vend, sepse përballë narko-shtetit të Ramës ka vetëm një rrugë: protestën, dhe vetëm protestën,” deklaroi Berisha.