Orë të zeza po afrohen për zonjën Balluku!

Një protestë masive, e nisur bukur, e vazhduar me kulturë dhe artikulim, u mbyll me qitje fishekzjarresh dhe shishe lëndësh djegëse. Asgjë s’u dogj, askush s’u përlesh, por në çast shpërtheu gazi lotsjellës dhe uji me presion.

Kaq u desh që vëmendja të kalonte nga “protestë” në “e dhunshme”. Në skenar, krejt pa dashjen e tyre, u përfshinë edhe gazetarët. Me sytë e kuq e me lot, me zë të mpakur nga sekrecionet, ata e bënë shumë më dramatike situatën e “dhunës”. Pastaj spitali me “të plagosur”, komisariatet me të ndaluar, sirenat dhe makinat e pafundme të policisë dhe ambulancave nëpër rrugë….

– Po ç’lidhje ka zonja Balluku? – do të më pyesësh

– A të kujtohen 44 protestat e opozitës para bashkisë? – të përgjigjem unë. – PD nuk protestonte para kryeministrisë për korrupsionin. Nuk protestonte kundër Ramës. Protestonte kundër Veliajt dhe Veliaj shkoi në burg.
Sot po shoh të njejtin skenar. Faqe botës Rama po e mbron Ballukun njëlloj si të qe i biri i vogël ( për të cilin ka thënë se është i vetmi njeri që ai mbron ). Natyrisht që mbrojtjen e 2- shit të qeverisë e bën nga sikleti se ajo e merr me vete nëse ky e lëshon. Por ka një formulë tashmë të provuar: protesta e opozitës.

Këtë rradhë s’ka kohë për 44 copë. Këtë rradhë duhet tension dhe rrezik destabilizimi, me qëllim që “forcat madhore ” ta detyrojnë pushtetin ta lëshojë Ballukun. Edhe opozita qar ka. Konfirmin pushtetin dhe rikonsolidon besimin.

Ruaju Belinda! Ditë të zeza po përgatisin kundër teje.