Pamje që të këpusin shpirtin/ Tre foshnja të vdekura dhe 100 të humbur në Mesdhe

Deti Mesdhe vazhdon të marrë jetët e personave të dëshpëruar në përpjekje për t’u shpëtuar zonave të konfliktit ose urisë.

Kësaj radhe, të paktën 100 emigrantë janë mbytur në Libi, mes tyre edhe tre fëmijë fare të vegjël. Viktimat ishin të gjithë emigrantë libianë të cilët kishin për destinacion brigjet e Evropës.

Trupat e pajetë të tre foshnjave u sollën në breg dhe skena të këput shpirtin. Nuk ështe hera e parë që foshnja të vogla, që akoma nuk kanë nisur të jetojnë, enden ujërave të Mesdheut në fatin e tyre të keq.

Sa i përket përmbytjes së varkës plot me emigrantë, raportohet se 100 njerëz rezultojnë akoma të humbur dhe fatkeqësisht shanset janë që të jenë mbytur.