Pas shkarkimit të drejtorit të burgjeve, edhe Amerikan II, spitali paditet nga ministria

Të shumta ishin vështirësitë që hasi policia e burgjeve për të bërë ekstradimin e Ervis Martinajt nga spitali privat në të cilin ndodhej i shtruar pas sherrit në ish-Bllok më 4 tetor, për në spitalin e  burgut.

I është dashur punë nga mëngjesi deri në mbrëmje policisë për të transportuar Ervis Martinajn nga spitali “Amerikan 2”, e në fund, për pasojë të këtyre sorollatjeve, u detyrua që drejtori i burgjeve të jepte dorëheqjen.

Pas incidentit te djeshëm, Ministria e Drejtësisë ka shkarkuar drejtorin e policisë së burgjeve si dhe ka paditur në prokurori spitalin “Amerikan 2”

Martinaj është person nën hetim me masë sigurie “burg 30 ditë” për ngjarjen e Bllokut, por duket se nuk ka dashur të lerë spitalin privat dhe të shkojë në spitalin e burgut.