“Për Danielin u dha urdhër që…”/ Banorët e Unazës së Re protestë para gjykatës

Me thirrje në kor “lironi djemtë tanë”, banorë të Unazës së Re, kanë nisur protestën para Gjykatës së Tiranës.

Në ditën e 22-të të protestës, banorët lëshuan edhe thirrje si, “qeveri e krimit” apo “poshtë komunistët”. Një prej protestuesve, për gazetarët në terren, u shpreh se, për Daniel Drobajn, i arrestuar nga policia si personi i dyshuar, është dhënë urdhër që të dënohet.

Të pranishëm në protestë ishin edhe deputetë të opozitës.

Ndërkohë, në gjykatë, ka nisur ka edhe seanca dhënia e masave të sigurisë, të personave të arrestuar pas protestës së dhunshme së të enjtes para parlamentit.

Protestuesit për të cilët prokuroria ka kërkuar arrest me burg janë; Fluturim Goleci, Ruzhdi Daci, Marsel Velillari, Dorjan Protoduari, Amarildo Sinanaj dhe Shpati Bilbilaj. Ndërsa organi i akuzës ka kërkuar për 5 të tjerë detyrim paraqitje: Erald Muçaj, Ali Nalic, Lulzim Dozhlanin, Alban Ahmetcenaj, Xhavit Gjata si edhe Lulzim Dozhlani.

Të arrestuarit akuzohen për “Mbajtja pa leje dhe prodhimi i armëve shpërthyese dhe i municionit”, “Kundërshtimi i punonjësit të policisë së rendit publik”, “Organizimi dhe pjesëmarrja në grumbullime dhe manifestime të paligjshme” dhe “Prishja e qetësisë publike”, e kryer në bashkëpunim.

Nga protesta u plagosën 15 efektivë dhe 3 protestues, bën me dije burime zyrtare nga Policia. Mes efektivëve të plagosur është edhe Ina Nuka, e cila humbi 2 gishta.

Ndërkohë, nga opozita dhe banorët e Unazës së Re, është pretenduar se nga protestuesit, janë plagosur nga policia më shumë se 3 persona, por që nuk janë paraqitur në spital nga frika se mos arrestoheshin.