Përfshihet nga flakët qendra shëndetësore në Sukth

Një ngjarje e rëndë ka tronditur mesditën e sotme qytetin e Sukthit, ku është djegur qendra shëndetësore e Vardadhës, duke shkaktuar panik tek banorët e zonës.

Sipas informacioneve të para, fatmirësisht nuk raportohet për persona të lënduar, por dëmet materiale janë të konsiderueshme. Autoritetet bëjnë me dije se vatra e zjarrit ka nisur fillimisht në banesën ngjitur me qendrën shëndetësore, përpara se të përhapej në ambientet e saj. Ende nuk janë bërë të ditura shkaqet që çuan në rënien e zjarrit, ndërsa hetimet për zbardhjen e plotë të ngjarjes janë në zhvillim.

Forcat e zjarrfikësve kanë ndërhyrë menjëherë, duke arritur të lokalizojnë flakët dhe të parandalojnë përhapjen e tyre në banesat e tjera përreth.

Policia e Sukthit ka nisur hetimet për të identifikuar shkakun e zjarrit dhe po mbledh dëshmi në vendngjarje.