Përjashtohen deputetët e opozitës pas kaosit në KUVEND

Komisioni i Etikës ka shqyrtuar kërkesën e grupit të PS-së për përjashtimin e deputetëve të opozitës nga seancat parlamentare dhe komisionet.

Komisioni i Etikës ka vendosur përjashtimin e Gazment Bardhit dhe Flamur Nokës me 10 ditë nga Kuvendi, ndërsa Bledion Nallbati dhe Asllan Dogjani janë përjashtuar nga Kuvendi për 5 ditë.

Përjashtimi vjen pas kaosit që deputetët kanë bërë në Kuvendin e Shqipërisë dhe bllokimin e Komisioneve Hetimore.

Pak më parë në komisionin për Reformën Zgjedhore ka pasur përplasje dhe debate të forta mes Nokës, Bardhit dhe Damian Gjiknurit, ku anëtarët e komisionit u detyruan të largohen pasi në kushte të tilla nuk mund të mbahej mbledhja.

Nga ana tjetër ushtari i Lulzim Bashës, Enkelejd Alibeaj, nuk shkoi në mbledhje.