Plagoset me armë zjarri një person, policia shpall në kërkim autorin

Sipas policisë, ngjarja ka ndodhur në lagjen “11 shkurti” të qytetit, ku gjatë një konflikti të çastit për motive të dobëta, ku 29-vjeçari ka plagosur me armë zjarri pistoletë në dorë, shtetasin Xh. K., 25 vjeç.

Për fat të mirë i plagosuri është jashtë rrezikut për jetën, ndërsa policia po punon për zbardhjen e ngjarjes.

Njoftimi i policisë

Plagosi me armë zjarri një shtetas, gjatë një konflikti të çastit për motive të dobëta, identifikohet dhe shpallet në kërkim autori.

Nga specialistët e Seksionit për Krimet në Komisariatin e Policisë Kuçovë u shpall në kërkim shtetasi R. Gj., 29 vjeç, banues në lagjen “11 Shkurti”, Kuçovë, pasi në lagjen “11 Shkurti”, Kuçovë, gjatë një konflikti të çastit për motive të dobëta, ka plagosur me armë zjarri pistoletë në dorë, shtetasin Xh. K., 25 vjeç, i cili ndodhet jashtë rrezikut për jetën.

Materialet i kaluan Prokurorisë së Rrethit Gjyqësor Berat, për veprime të mëtejshme.