Plumb në kokë te pallati në rrugën “Myslym Shyri”

Në këtë pallat që shihni po punonte i riu që mbeti i plagosur këtë të enjte në Tiranë. Një person që ende nuk është identifikuar, është qelluar me arme zjarri ne Tirane mesditen e sotme. Policia e Tiranes ne informacionin paraprak thekson se ngjarja ka ndodhur rreth ores 11:30 në rrugën “Myslym Shyri”.

“Dyshohet të jetë qëlluar me armë zjarri një shtetas, ende i paidentifikuar, rreth 30 vjeç, pranë një objekti në rikonstruksion”- njofton policia.

I plagosuri eshte transportuar ne spital, nderkohe qe policia ka nisur hetimet per zbardhjen e ngjarjes.

Panorama meson se ai ndodhet ne gjendje kome ne spital, pasi plumbi e ka prekur ne koke. Policia ka marrë në pyetje punëtorët e pallatit, si dhe pronarin, për sqarimin e rrethanave te ngjarjes se rende.

INFORMACIONI PARAPRAK 

Sot rreth orës 11:30 në rrugën “Myslym Shyri”, dyshohet të jetë qëlluar me armë zjarri një shtetas, ende i paidentifikuar, rreth 30 vjeç, pranë një objekti në rikonstruksion.

Shtetasit i është dhënë ndihma e parë dhe u transportua në spital për ndihmë të specializuar.

Grupi hetimor vijon punën për zbardhjen e plotë të rrethanave të ngjarjes.