Policia e Kosovës konfiskon municione luftarake në Mitrovicë
Policia e Kosovës në bashkëpunim me Doganën ndërmori një aksion në Mitrovicën e Veriut pas informatave për praninë e municioneve të rënda luftarake.
Dhe, në fakt pas kontrollit, policia deklaroi se u gjetën katër granata dore, tetë maska gazi si dhe municione të ndryshme si fishekë, pajisje optike për snajper, pajisje për pastrimin e armëve si dhe kartela grafike për prodhimin e kriptovalutave.
Një person është arrestuar dhe është shoqëruar në polici, dhe për momentin ka zgjedhur të heshtë dhe të mos japë informacion. Me vendimin e prokurorit personi në fjalë do të qëndrojë nën masën e ndalimit për të paktën 48 orë.
Policia e Kosovës i bën thirrje qytetarëve të denoncojnë çdo aktivitet të dyshimtë për të kontribuar në sigurinë e vendit
Keni një histori? Denonco anonimisht, identiteti juaj mbrohet.
Denonco
