Policia zbardh detajet pas të shtënave me armë në Shkodër

Disa të shtëna me armë u regjistruan mbrëmjen e sotme në Shkodër. Policia ka dhënë detajet e para mbi këto të shtëna që kanë alarmuar banorët në lagjen “Guerrile”.

Sipas bluve, është qëlluar me armë zjarri në ajër rreth orës 20:05 nga një person ende i paidentifikuar.

Nga kjo ngjarje fatmirëisht nuk ka persona të plagosur. Policia ka ngritur disa pika kontrolli dhe po punon për identifikimin e autorit.

“Rreth orës 20:05, në lagjen “Guerrile”, afër livadheve, një shtetas ende i paidentifikuar ka qëlluar me armë zjarri, në ajër.

Shërbimet e Policisë kanë shkuar menjëherë në vendngjarje, kanë ngritur pika kontrolli, si dhe vijon krehja e zonës, për të bërë të mundur kapjen e autorit.

Grupi hetimor vijon punën për zbardhjen e rrethanave të ngjarjes”, thuhet në njoftim