Prej muajsh pa paga, punonjësit e transportit publik ‘paralizojnë’ Prishtinën

Protesta e punëtorëve të Trafikut Urban në Prishtinë vijon edhe sot, për shkak të disa muajve të papaguar nga komuna.

Punëtorët kanë bllokuar njërën nga korsitë e rrugës Agim Ramadani, e cila çon drejt objektit të komunës, ku po zhvillohet protesta.

Të hënën, ata fillimisht u drejtuan drejt ndërtesës së Komunës së Prishtinës dhe më pas, së bashku me kryetarin Përparim Rama, u zhvendosën pranë objektit të Qeverisë.

Edhe pse patën një takim me ministrin në detyrë të Financave, Hekuran Murati, nuk arritën të gjenin një zgjidhje për kërkesat e tyre, duke lënë situatën ende të pazgjidhur.