Presidenca e Këshillit të BE-së për 6 muaj drejtohet nga Qipro

Qiproja mori sot presidencën e Këshillit të Bashkimit Evropian nga Danimarka, duke nisur një mandat gjashtëmujor. Ky është hera e dytë që Qiproja kryeson Këshillin e BE-së, pas herës së parë në gjysmën e dytë të vitit 2012.

Presidenti i Qipros, Nikos Christodoulides, theksoi se vendi merr presidencën në një periudhë sfidash gjeopolitike dhe paparashikueshmërie, duke premtuar se Qiproja do të punojë për forcimin e autonomisë së BE-së. Ai e përshkroi këtë autonomi si “hapin e nevojshëm të ardhshëm të projektit në zhvillim të integrimit evropian”.

Christodoulides shtoi se një Bashkim më i autonom do të ketë forcën për të bashkëpunuar me partnerët ndërkombëtarë dhe për të vepruar në mënyrë të pavarur kur është e nevojshme.

Presidenti identifikoi pesë qëllime kryesore për mandatin e Qipros: sigurimin e sigurisë dhe forcimin e mbrojtjes, rritjen e gatishmërisë për kriza, forcimin e konkurrencës dhe hapjen ndaj botës, promovimin e vlerave universale dhe krijimin e një buxheti që mbështet një Bashkim të vetë-mjaftueshëm