Presidenca konfirmon takimin e kreut të Shtetit Meta me Alex Soros. Zbulohet çfarë u diskutua midis tyre

Zëdhënësi i Presidentit, Tedi Blushi shkruan se takimi është zhvilluar me kërkesë të vetë djalit të Soros dhe drejtorit ekzekutiv të Fondacionit për “Shoqëri të Hapur” në Shqipëri, Andi Dobrushi.

Zëdhënësi konfirmon se Presidenti ka shprehur shqetësimet për përpjekjet e qeverisë për kapjen e institucioneve të drejtësisë, duke veçuar Gjykatën Kushtetuese, por edhe përkeqësimin e lirisë së medias.

“Presidenti i Republikës, Ilir Meta priti në një takim me kërkesë të tyre Zëvendës presidentin e Fondacionit “Shoqëria e Hapur”, z.Aleksandër Soros dhe Drejtorin Ekzekutiv të zyrës së Fondacionit në Shqipëri, z.Andi Dobrushi.

Presidenti Meta i njohu me shqetësimet e Tij, të bëra edhe publike, për përpjekjet e qeverisë për kapjen e institucioneve të drejtësisë, e sidomos të Gjykatës Kushtetuese, për përkeqësimin e lirisë së medias, si dhe për domosdoshmërinë e gjallërimit të shoqërisë civile në mbrojtje të vlerave demokratike dhe të drejtave të njeriut”, sqaron Blushi.

Por ka reaguar menjehere avokati j njohur antisoros Altin Goxhaj :

Ja reagimi i tij ne FB

“Meta e njohu me shqetësimet për përpjekjet e qeverisë për kapjen e institucioneve të drejtësisë dhe Gjykatës Kushtetuese dhe i kërkoi domosdoshmërinë e gjallërimit të shoqërisë civile.”
Kjo Klasë Politike është një batak kompromisesh, shantazhesh, gjobash, pazaresh, allishverishesh, dhe gjithfarë maskaralliqesh! të gjitha në kurriz të popullit!
Presidenti Meta që i kërkon Sorosit personalisht të “gjallërojë” shoqërinë civile!!! Dhe i tregon Sorosit që Rama paskërka kap drejtësinë!!!
Tashmë të gjithë në Çanakun e Sorosit!
Ndaj e vetmja shpresë mbetet [Koalicioni Për Shqipëne).