Presidenti i përgjigjet Damian Gjiknurit: Vij ditën dhe natën, ti merr Gurun dhe dil te Sheshi Flamurit
Presidenti Ilir Meta i është përgjigjur akuzave të socialistit Damian Gjiknuri, i cili paraditen e sotme tha nga Vlora se Presidenti shkon atje natën. Sipas Metës, ai shkon natën dhe ditën sepse është President i popullit.
Meta ftoi Gjiknurin që të shkojnë bashkë në Vlorë dhe të flasin me banorët. “Damiani të marri me vete Gurun, Gurun e gjatë dhe atë tjetrën dhe të dalin te Sheshi i Flamurit”, tha Meta.
Pjesë nga deklarata e Metës:
Presidenti nuk ka ikur fshehurazi në Selenicë, ka shkuar në mes të ditës. Jam gati të shkojë në cdo moment. Edhe me zotërinë, kur të kenë dëshira ata. Të takohemi me popullin e Selenicës jo me drejtorët e Vlorës. Drejtorët e Hipotekës që ndërrohen cdo javë.
Le të vijnë dhe zotërinjt atje, të takohemi dhe me ata. Se ka ligj për konsultim publik. Me njerëzit që banojnë atje. Kur të kenë dëshirë, po të dojë Damiani të marri dhe Gurun me vetë, të shkojmë në Radhëim ti takojmë banorët. Të shkojmë në Selenicë.
Presidenti vete në Vranisht ditën, vete dhe natën. Në Rastin konkret kam vajtur ditën, po kur të vete natën do lajmëroj Damianin.
Le të shqetësohen të gjithë ata që mendojnë se do bëjnë tërmet si në Shijak. Zgjedhjet para 4 vitesh kanë qenë të manipuluara, u vu kusht hetimi i tyre. Ka frikë presidenti nga Damiani apo kush tjetër që të shkojë fshehurazi në Vlorë?!
Kur të dojë Damiani, të marri dhe Gurun, Gurunë e gjatë dhe Gurunatë tjetrën, të dalin te Sheshi i Flamurit. Po të dojë të marri dhe Selam Çimin, dhe drejtorët e hipotekave.
Presidenti Ilir Meta ka folur për personat që janë larguar nga LSI-ja për t’iu bashkuar Partisë Socialiste.
Sipas Metës, kjo nuk do e dëmtojë LSI por përkundrazi do i trefishojë anëtarët e saj.
Më tej shprehet se në këtë pikë shqetësimi i tij do të ishte Monika Krymemadhi që do “mburrej” për suksesin në drejtimin e partisë.
“Nuk ka asnjë problem zotëria me Ilir Metën. Dhe as me LSI. Ka problem me demokracinë dhe llogaridhënien. E ka bllokuar edhe tani se kërkon të mbajë peng vendin. Shpalli dje që do marrë peng edhe PS pas zgjedhjeve.
Nuk ka Ilir Meta shqetësimin e LSI. Ilir Meta nuk është nga ata që ndërrojnë parti, është nga ata që themelojnë parti. I vetmi shqetësimi që kam unë është se do ta trefishojë. Ai merr llumin e LSI dhe e shpall si ajkën e PS. Kam frikë se do ta trefishojë dhe shqetësimi im është se kush e duron Monikën që thotë ja ku dallon në drejtim një burrë nga një grua”, tha Meta.
Presidenti është pyetur nga gazetarët nëse i druhet një procedimi penal, për shkeljen e masave kundër koronavirusit.
Meta u shpreh duke thënë se është Presidenti i Republikës dhe po të duan mund ta procedojnë, por sipas tij, nuk ka asgjë në botë që t’i ndalë shqiptarët nga rruga e demokracisë.
“Unë jam Presidenti i Republikës, jam ushtar i parë i Republikës, jam edhe student i dhjetori.
Kam shumë respekt për policinë, por iu bëj thirrje që të mos bëhen lojë e politikës, se do të përballen me popullin shqiptarëve. Shqiptarëve nuk ka gjë në botë që ti ndalë nga rruga e demokracisë. Duan të më procedojnë mua si të duan, i kurseva me 2 mars.
Edhe njëherë do të thërras popullin dhe është të gjithë në votime. Vota e një shqiptari nuk vjen as sa një dele as sa një lopë. Kërkon të frikësojë, u vë gjoba kryetarëve të bashkisë, u thotë që dua kaq vota”,- tha Meta.
Përsa i përket djegies së mandateve, Meta tha se ky ishte një mësim i hidhur që nuk ka për të ndodhur më.
“Ishte një mësim i hidhur që nuk ka për të ndodhur më. Unë kam për të qenë i pari që do të ndëshkoj çdo forcë politike që do të lërë parlamentin dhe nuk do të hyjë në zgjedhje”,- tha Meta.
Keni një histori? Denonco anonimisht, identiteti juaj mbrohet.
Denonco
