Presidenti serb Vuçiç reagon pas deklaratës së zyrtarit gjerman: Edhe britanikët janë më korrektë

Presidenti i Serbisë, Aleksandër Vuçiç ka reaguar pas deklaratës së të dërguarit të posaçëm të Gjermanisë për Ballkanin Perëndimor, Manuel Sarrazin i cili tha se se Kosova ka mbështetjen e Berlinit për anëtarësim në Këshillin e Evropës.

“Do të filloja, nëse më lejoni në një mënyrë tjetër, t’u drejtohem qytetarëve të Serbisë. Ndonjëherë në këto kohë është më e mençur të heshtni për disa gjëra”, citojnë mediat serbe të ketë thënë presidenti serb në TV Prva.

Vuçiç komentoi edhe thirrjen e ministrave të G7-ës që i bënë thirrje Serbisë ta harmonizojë politikën e saj me BE-në.

Ai i quajti “politikë pa parime” dhe “presione brutale” disa pjesë të deklaratës së G7-ës, ndërsa shprehu mllefin e tij ndaj Gjermanisë.

“Edhe britanikët sillen më korrekt se gjermanët, të paktën nuk do ta përdorin sëpatën menjëherë”, tha Vuçiç.