Presidenti Zelensky pret në takim kryeministrat e Polonisë, Çekisë dhe Sllovenisë: Vizita juaj, shenjë e fortë mbështetjeje

Presidenti ukrainas Volodymyr Zelensky ka mirëpritur kryeministrat e Polonisë, Republikës Çeke dhe Sllovenisë në një takim në Kiev.

Zelensky postoi një video dy minutëshe të takimit në kanalin e tij Telegram, duke thënë:

“Vizita juaj në Kiev në këtë kohë të vështirë për Ukrainën është një shenjë e fortë mbështetjeje. Ne e vlerësojmë vërtet.”

Tre liderët evropianë, të cilët thanë se po përfaqësonin Këshillin Evropian në takimin e Kievit, udhëtuan për në kryeqytetin ukrainas me tren.