Catherine, Princesha e Uellsit, është diagnostikuar me kancer.
Princesha e Uellsit ka njoftuar se është diagnostikuar me kancer dhe është në fazat e hershme të ‘kimioterapisë parandaluese’.
Në një video-mesazh të publikuar të premten, Kate tha se ajo iu nënshtrua një operacioni të madh abdominal më 14 janar për një gjendërr që besohej të ishte jo kanceroze, por testet e mëvonshme zbuluan se kanceri ishte i pranishëm.
Në mesazhin e përzemërt, ajo zbuloi se lajmi i kishte ardhur si një ‘shok i madh’ dhe ajo dhe Princi William kishin bërë gjithçka për ta mbajtur privatish atë, për hir të familjes së tyre të re.
VIDEO
Ajo shtoi: ‘Jam mirë dhe bëhem më e fortë çdo ditë duke u fokusuar në gjërat që do të më ndihmojnë të shërohem; në mendjen, trupin dhe shpirtin tim.
Të kesh William pranë është gjithashtu një burim i madh ngushëllimi dhe sigurie. Siç është dashuria, mbështetja dhe mirësia që është treguar nga shumë prej jush. Do të thotë shumë për ne të dy’.
Lajmi shokues vjen vetëm disa javë pasi Mbreti Charles zbuloi se ai ishte diagnostikuar me kancer dhe po trajtohet.
Kate Mideltton tha: ‘Doja të përfitoja nga ky rast për t’ju falënderoj, personalisht, për të gjitha mesazhet e mrekullueshme të mbështetjes dhe për mirëkuptimin tuaj gjatë kohës që po shërohem nga operacioni.
‘Kanë qenë dy muaj tepër të vështirë për të gjithë familjen tonë, por unë kam pasur një ekip fantastik mjekësor që është kujdesur shumë për mua, për të cilin jam shumë mirënjohës.
