Prokuroria e Durrësit mbyll hetimet për 4 rusët që vdiqën në pishinë

Prokuroria e Durrësit ka pezulluar hetimet për vdekjen e katër shtetasve rusë në Golem në 15 tetor 2021.

Sipas gazetares Klodiana Lala, pezullimi i hetimit ka ardhur për shkak se Rusia nuk u ka kthyer përgjigje letërporosive nga autoritetet shqiptare, nga të cilat kërkuar informacion për autopsinë e 4 viktimave dhe për të kaluarën e tyre.

Ngjarja e rëndë ndodhi në pishinën e mbyllur të një hoteli në Qerret, Kavajë, ku u gjetën të vdekur Sergei Burenkov, 60 vjeç, gruaja e tij Nataliia Burenkova, 58 vjeçe, vajza Ekaterina Burenkova, 31 vjeçe dhe dhëndri Nikita Belousov, 37 vjeç.

Sipas aktekspertizës së kryer asokohe të Institutit të Mjekësisë Ligjore rezulton se “në trupat e viktimave, u konstatua prania e monoksidit të karbonit në masën mbi 75 për qind”.