Prokuroria e Tiranës nis hetimet për tenderin e maskave anti-Covid
Prokuroria e Tiranës nis hetimet për pronaren e kompanisë farmaceutike “Frog”, Mirela Ndoci, për një tender për blerjen e maskave anti-Covid në Itali. Hetimet kanë nisur pas një letërporosie të mbërritur nga autoritetet e drejtësisë italiane.
Sipas gazetarit Elton Qyno, Prokuroria e Tiranës ka nisur verifikimin për shtetasin italian Vincenzo Nuzziello dhe Mirela Ndocin. Nuzziello dhe Ndoci, janë aksionerë të kompaninë farmaceutike “Frog”, e cila ka marrë tenderin e blerjes së maskave.
Në datë 13.07.2020 shtetasi italian Vincenzo Nuzziello ka vendosur të largohet nga kompania “Frog” dhe të gjitha aksionet, në masën 70%, ia ka shitur Mirela Ndocit.
Prokuroria Italiane ka zbuluar se kompania “Frog”, është pritëse e disa transaksioneve bankare nga Italia dhe dyshohet se është pjesë e skemës mashtruese me tenderin e maskave anti Covid- 19 në Lazio, Itali, me vlerë 4 milion e 960 mijë euro. Një pjesë e parave të shpërndara nga dy kompani Italiane, kanë mbërritur dhe në Shqipëri. Pritësja në Shqipëri, ka qënë pikërisht kompania farmaceutike “Frog”, me aksionere të vetme shtetasen Mirela Ndoci.
Keni një histori? Denonco anonimisht, identiteti juaj mbrohet.
Denonco
