Publikohet sondazhi i gjermanëve, PD është në avantazh ndaj PS në zgjedhje, LSI bie me vota

(TABELAT)

Dy partitë politike janë kokë më kokë në elektorat vetëm shtatë ditë para zgjedhjeve, ndërsa numri i të pavendosurve mbetet i lartë

Me ‘GFK’, një ndër kater kompanitë kryesore në botë për hulumtimet e tregut dhe opinionit, ka vrojtuar sjelljen e votuesve shqiptare në lidhje me zgjedhjet e përgjithshme 2017.

GfK realizoi tre vrojtime të opinionit publik në periudhën maj-qershor 2017, si pjesë e një hulumtimi për të ndjekur në kohë zhvillimin e pëlqimeve dhe të sjelljes politike të votuesve gjatë fushatës zgjedhore. Vrojtimi më i fundit u zhvillua në periudhën 15-18 qershor 2017 dhe mati preferencën e votimit. 996 votues, nga e gjithë Shqipëria, u pyetën përmes telefonit për subjektin për të cilin do të votojnë dhe preferencat e tyre partiake.

[bd_table]

[/bd_table] Partia Demokratike dhe ajo Socialiste janë po thuaj se në barazim mes votuesve, me një avantazh të lehtë të PD-së. Nga të dhënat e studimit, një javë para zgjedhjeve, Partinë Socialiste do ta votonin 31.1% e të intervistuarve dhe Partinë Demokratike 31.4% e të intervistuarve. LSI-në do ta votonin 6% e zgjedhësve, ndërsa PDIU-në 1.2% e tyre.

Megjithëse dita e zgjedhjeve ëhstë shumë pranë, vihet re një numër i lartë i të pavendosurve, votuesve që do të votojnë por nuk kanë vendosur ende se për kë do të votojnë, i barabartë me 20.3% të të gjithë të të intervistuarve.

Metodologjia

Kampioni i vrojtimit u përzgjedh në mënyrë rastësore, në nivel kombëtar, duke kontrolluar kampionin për përfaqësimin gjinor, moshor, krahinor. Intervistat u zhvilluan me metodën CATI.