Putin, shkarkon nga detyra disa nga komandantët e lartë ushtarakë

Ministria e Mbrojtjes Britanike raporton se Presidenti rus Vladimir Putin ka pushuar një numër komandatësh të lartë për dështimet ushtarake në Ukrainë.

Lajmi u publikua nga shërbimet e inteligjencës së britanisë. Në komunikatë akuzohet Kremlini për drejtimin e një operacioni ushtarak të mbushur me trillime dhe koka turku.

Një listë e vogël por gjithëpërfshirëse e atyre që besohet se janë hedhur poshtë nga Vladimir Putin përfshin:

Gjenerali Serhiy Kisel, i cili komandonte ushtrinë elitë të Tankeve të Gardës së Parë. Shkarkimi vjen si rezultat i dështimit për të marrë Kharkivin

Zëvendësadmirali Igor Osipov, i cili komandonte flotën ruse të Detit të Zi, pas fundosjes së kryqëzorit Moskva në prill.

Shefi i Shtabit të Përgjithshëm rus Valeriy Gerasimov, i cili sipas Ministrisë së Mbrojtjes, mund të jetë ende në post, por është e paqartë nëse ai ruan besimin apo jo.