Rama, autokrati që po fundos egzistencën si komb

Jona Dusha

Edi Rama,  artisti i fasadave  , tashmë po shfaqet gjithnjë e më shumë si një autokrat i pamëshirshëm që po forcon kthetrat e tij mbi çdo aspekt të jetës politike dhe sociale në Shqipëri. Çdo ditë që kalon, ndjehet një rrjedhë e papërmbajtur e pushtetit drejt qendrës, duke konsoliduar kontrollin e tij mbi institucionet e shtetit dhe duke shuar çdo formë opozite dhe kritike.

Në vend që të zhvillojë një demokraci të qëndrueshme dhe të hapur, Rama ka zgjedhur të ndjekë rrugën e centralizimit të pushtetit. Kontrolli i tij mbi median është një shembull i qartë i kësaj tendence. Ndërsa gazetarët dhe mediat e pavarura përballen me presione dhe kërcënime të vazhdueshme, zëri kritik po mbytet dhe informacioni i publikut po filtrohet përmes një lente të shtrembëruar.

SPAK, institucioni që supozohej të ishte bastioni i luftës kundër korrupsionit, duket se është kthyer në një mjet në duart e Ramës për të goditur kundërshtarët politikë dhe për të siguruar mbijetesën e tij politike. Hetimet selektive dhe mungesa e transparencës në veprimtarinë e këtij institucioni kanë ngritur dyshime të mëdha mbi pavarësinë dhe integritetin e tij.

Por ky nuk është i vetmi front ku Rama po konsolidon pushtetin. Reformat në drejtësi, të cilat fillimisht u përshëndetën si një hap përpara drejt shtetit ligjor, janë përdorur për të eliminuar gjyqtarët dhe prokurorët që nuk janë në linjë me interesat e tij. Sistemi gjyqësor, i cili duhet të jetë një mbrojtës i pavarur i drejtësisë, është transformuar në një instrument të tjetër të kontrollit të tij.

Në skenën ndërkombëtare, Rama vazhdon të projektojë imazhin e një lideri modern dhe progresiv, por realiteti brenda vendit është krejtësisht ndryshe. Politikat e tij të centralizimit dhe eliminimit të kundërshtimit janë duke ngushtuar hapësirën për demokracinë dhe lirinë në Shqipëri. Shqiptarët janë dëshmitarë të një përqendrimi të paprecedent të pushtetit, që po shndërron vendin në një autokraci të maskuar si demokraci.

Nëse kjo tendencë nuk ndalet, e ardhmja e Shqipërisë duket e zymtë. Një vend ku liria e shprehjes, pavarësia e institucioneve dhe demokracia janë në rrezik, nuk mund të ecë përpara. Shqiptarët meritojnë më shumë se kaq – një qeveri që punon për interesat e tyre dhe jo për të ruajtur pushtetin e një autokrati arab si Edi Pasha Rama.