Rama e ka bërë testin e koronavirusit në zyrë më 23 mars

Çani ka thënë se në zyrë ka pasur dhe persona të tjerë dhe analizën ia ka marrë stafi i Spitalit Amerikan, pra nuk e ka bërë në Spitalin Infektiv.

“Rama ka gënjyer hapur duke thënë se nuk e ka bërë testin për koronavirusin. Unë po e them këtu hapur që me datë 23 mars të këtij viti Rama e ka bërë analizën, ja kanë bërë në zyrën e tij me këta të laboratorit qëndror të spitalit amerikan. Nuk e ka bërë madje as me emrin e tij. Kanë qenë disa nejrëz prezent, nuk ka qenë i vetëm. Dhe prapë tha nuk e kam bërë”, ka thënë gazetari Artur Çani në emisionin 360 Gradë.

Më tej, Çani ka thënë se edhe disa ministra të qeverisë e kanë bërë testin e covid-19, i kanë thënë vetë atij personalisht. “Pse disa ministra të kabinetit Rama më thanë menjëherë që “po e kemi bërë testin”, pse Meta më tha e kam bërë testin, pse Rama thotë nuk e kam bërë? Këtu është ndryshimi. Nuk trembet njeriu duke i thënë të vërtetën”, u shpreh gazetari Artur Çani.