Rama flet për vrasjen e Egli Progës/ Kritika Prokurorisë: “Vrasja nga pakujdesia” tingëllon e pakuptueshme

Kreu i qeverisë, Edi Rama ka reaguar për vrasjen e ndodhur më 10 gusht në Pogradec, ku u gjet i pajetë Egli Proga.

Në një postim të gjatë në rrjetet sociale, Rama del në mbrojtje të Policisë së Shtetit dhe Ugjencës, që sipas tij kanë vepruar në kohë dhe bazur në rregulla dhe ligje.

Ndërsa për akuzën e ndryshuar nga Prokuroria, nga “vrasje me dashje” në “vrasje nga pakujdesia”, ai shprehet se tingëllon e pakuptueshme për këdo që është njohur me dinamikën e kësaj ngjarjeje tragjike.

Sipas tij ngritja e akuzës nuk ka lidhje me Policinë e Shtetit apo me punonjësit e urgjencës.

““Vrasja nga pakujdesia” e ngritur si akuzë nga Prokuroria, e cila tingëllon e pakuptueshme për këdo që është njohur me dinamikën e kësaj ngjarjeje tragjike, nuk ka asnjë lidhje me Policinë e Shtetit apo me punonjësit e urgjencës, të cilët e kanë kryer detyrën me profesionalizëm dhe integritet të plotë ligjor e moral”, u shpreh Rama