Falë patronazhistëve ne jemi të pathyeshëm

Kryeministri Edi Rama komentoi sot Primaret që po zhvillon Partia Demokratike, për të zgjedhur kandidatët e saj për zgjedhjet lokale që do të zhvillohen më 14 maj 2023.

I pyetur në lidhje me Primaret, Rama tha se nuk e di se cila parti po përgatitet fortë për vendoret, duke vënë në dukje kështu problemet e brendshme të PD-së. Më tej Rama u shpreh optimist për zgjedhjet lokale, duke thënë se Partia Socialiste është forcë e pathyeshme dhe e organizuar.

I ka PS gati emrat zyrtarë për zgjedhjet lokale?Rama: Është herët për të marrë vesh se kush është kush, nga ana tjetër është që përgatitjet tona për zgjedhje kanë nisur të nesërmen e zgjedhjeve të shkuara. Falë patronazhistëve ne jemi të pathyeshëm. Ne i kemi thënë shumë rëndësi. E kemi bërë këtë punë me kohë. Jemi më të organizuarit në poltikën shqiptarë. Jemi një makineri që nuk thyhet. I duartrokasim në të gjitha përpjekjet për t’u përmirësuar por janë shumë larg nesh.

Kryeministri tha se PS i fiton dhe nuk i merr nga askush zgjedhjet, ndërsa  u shpreh i bindur se Partia Socialiste do të fitojë zgjedhjet në 14 maj.

“Nuk e di cila parti po përgatitet fortë. Eshte herët për të marrë vesh se kush është në anën tjetër. Në jemi të pathyeshëm. Janë zgjedhje me rëndësi të veçantë. Jemi forcë e organizuar, jemi makineri që nuk thyhet. Ne zgjedhjet i fitojmë. Nuk i marrim nga askush. Jam shumë optimist që gjërat do të shkojnë shumë më mirë”, tha Rama.