Kryeministri Rama ka folur sot në mbrëmje në përurimin e sheshit të ri ‘Skënderbej’.

Në fjalën e tij ai ka falenderuar kryebashkiakun Veliaj për punën e bërë ndërsa është shprehur i emocionuar.

Kam kaluar me Lindën në shesh para pak ditësh dhe nuk i mbaja dot lotët. Sot më dridhen gjunjët dhe është hera e parë që do flas shkurt.

Kur ecnim atë natë me lindën dukej e pabesueshme, por e mrekullueshme, që megjithëse zgjati 10 vjet sheshi i Skënderbut rilindi dhe ambicia jonë për Tiranën fitoi. Nuk do ishim këtu sot, nëse nuk do kishim lali Erin. E mori projektin dhe e çoi deri në fund.

Ky shesh është krenaria jonë. Është sheshi i qytetarëve të barabartë. Ky është sheshi i qytetarëve të mirë sado i gjatë apo i pushtetshëm të jesh je njësoh me të tjerët. Më besoni se këtë ua them unë.