Rama prezanton aplikacionin e ri të Postës Shqiptare

Sipas njoftimit, tashmë nuk do të jetë e nevojshme që të shkoni në postë për të paguar faturat, por mund t’i bëni ato edhe nga telefoni.

“e-Wallet është portofoli i ri elektronik i çdo qytetari, për të kryer të gjitha shërbimet postare nga celulari i vet, pa pasur më asnjë nevojë për të harxhuar kohë, nerva e deri edhe lekë për ryshfet, nëpër radhët e labirintet e burokracisë.

Kush flet për administratën e për korrupsionin në administratë, ka të drejtë të kërkojë shumë më tepër akoma, po kush nuk e sheh ndryshimin si dita me natën në shërbimet për qytetarët, ose ka shumë mllef politik e nuk shikon dot ose ka humbur kujtesën dhe nuk gjykon dot”,- tha Rama.

Shkarkoni aplikacionin dhe bëni regjistrimin duke krijuar profilin tuaj për të kryer më pas shërbimet nga shtëpia apo kudo që të jeni.

Rama bëri një apel edhe për punonjësit e postës.

“Të lutem bëni një fletë palosje të bukur, çojani çdo qytetari ta fiksojë që nëse do të shërbehet nga shteti pa parë njeri fare dhe vetëm me telefonin e vet dhe të mos ketë probleme, e ka këtë mundësi”,- tha Rama.