Rama pritet sot në Paris nga Macron në Paris

Paris, 22 Qershor 2026 – Kryeministri i Shqipërisë, Edi Rama, do të zhvillojë sot një takim zyrtar në Paris me Presidentin e Francës, Emmanuel Macron. Takimi do të mbahet në Pallatin Élysée në orën 13:00 dhe vjen në vijim të shkëmbimeve të rregullta të nivelit të lartë mes dy liderëve.

Në fokus të diskutimeve do të jetë e ardhmja europiane e Shqipërisë, ku Presidenti Macron pritet të rikonfirmojë mbështetjen e Francës për procesin e anëtarësimit në BE, krahas reformave të ndërmarra nga pala shqiptare.

Gjithashtu, palët do të bëjnë një bilanc të investimeve franceze në Shqipëri dhe projekteve kyçe të bashkëpunimit në sektorë si ekonomia, energjia, arsimi (përfshirë Liceun e ri Francez në Korçë), si dhe në infrastrukturë, transport dhe mbrojtje me mbështetjen e Agjencisë Franceze për Zhvillim (AFD).